Anna Rós Hallgrímsdóttir

Búin að prófa gsm bloggið

2003-11-26T05:17:00.000-08:00

Jæja þá er ég búin að prófa gsm bloggið. Þetta er kannski þræl sniðugt en ég sé ekki alveg notagildið í þessu fyrir mig. En þetta er eflaust njög sniðugt fyrir þá sem eru á fullu í bloggi.
Þetta hlýtur líka að kosta sitt að vera alltaf að tala í símann, til að setja inn á bloggsíðu sem maður getur alveg eins skrifað inn á!!!
Annars er allt gott að frétta af mér og mínum. Við erum að fara heim til Eyja á morgun, og verðum alveg fram í miðjan janúar. Það verður mjög fínt að komast heim og láta mömmu dekra við okkur.
Einnig eru margir sem eiga eftir að sjá litla prinsinn minn og enn fleiri sem hlakka til að sjá hann aftur (ömmur og afar farin að sakna hans). Svo það verður áreiðanlega nóg að gera í gestagangi næstu daga

2003-11-26T05:03:00.000-08:00

Skilaboð sendi ég
Sent með GSMbloggi Og Vodafone

2003-11-24T06:26:00.000-08:00

GSMblogg prufa

2003-11-24T05:22:00.000-08:00

GSMblogg prufa

Netið að komast í lag

2003-11-12T07:59:00.000-08:00

Þá er netið að komast í gang og skólaverkefnið komið inn á vefinn loksins! Einnig getið þið farið inn á barnaland og séð heimasíðuna hjá dúllunni minni. Því miður hef ég ekki haft mikinn tíma til að skrifa, þar sem líf mitt snýst núna um að gefa brjóst allan daginn!!
En þið getið fylgst með inn á barnaland hvernig gengur.
Annars gengur allt voða vel. Hann sefur bara og sefur og vaknar rétt til að borða. Er algjört krútt:)
Það erlíka nóg að gera í gestagangi, alltaf einhver að koma að kíkja og það er voða gaman. Halla systir ætlar svo að koma um helgina það verður fínt. Mamma og pabbi fóru á sunnudaginn, en mamma var búin að vera hjá mér síðan hann fæddist. það var alveg frábært að hafa hana. En það er ´líka voða gaman að prófa að vera bara þrjú!
En það fer að styttast í að við förum til Eyja, ekki nema tvær vikur þá verðum við þar fram í miðjan janúar.

skólaverkefni

2003-11-06T14:49:00.000-08:00

Ég er búin með skólaverkefnið og það kemur inn á vefinn fljótlega. Netið hjá mér virkar ekki þessa dagana en Eg er að reyna að koma því í gang, kemur vonandi sem fyrst.

lítill prins kominn í heiminn

2003-11-06T14:47:00.000-08:00

Það er nú góð ástæða fyrir því hve langt síðan ég skrifaði síðast. Litla dúllan mín var orðin óþolinmóð og vildi komast fyrr í heiminn. Hann fæddist á fimmtudagsnóttina og var 13 merkur og 51 cm. Hann fæddist rúmlega mánuði fyrir tímann og þurfti að vera á vökudeild í einn sólahring, en kom svo til mín. Svo fékk hann smá gulu og þurfti að fara aftur í hitakassa. En við komum heim í gær:)
Ég er að vinna í heimasíðu hans á barnaland.is og set inn linkinn þegar hún er tilbúin.

Vera dugleg!!

2003-10-22T06:23:00.000-07:00

Nú er svo bara að vera dugleg að læra og nota næstu helgi vel (ekkert annað að gerast, aldrei þessu vant!!). Áður en ég byrja að kenna á fullu á mánudag. Þá er gott að vera búin að koma öllu öðru frá mér. Verður víst alveg nóg að gera í kennslunni. Enda er nú aðeins farið að draga úr orkunnu hjá manni, þar sem það er ekki nema mánuður eftir!
Bæ í bili

Bústaður og vettvangnám

2003-10-22T06:20:00.000-07:00

Þá er ein helgin enn búin (Vá hvað tíminn líður hratt!!). Og vettvangsnámið byrjað. Það var voða fínt í Ölfusborgum um helgina, Amma og afi alveg í skýunum með ferðina. Það var bara borðað og djammað, legið í pottinum og haft það gott. Svo fórum við á Rauðahúsið á Stokkseyri í hádeginu á laugardeginum og fengum geggjaða humarsúpu. Eftir það var svo farið á Geysi, það er alltaf gaman að koma þangað, þó maður hafi nú séð hann oftar en einu sinni og oftar en tvisvar. Á sunnudeginum var svo haldin svaka veisla þar sem fullt af gestum (vinum ömmu og afa ) kíktu í heimsókn. Svo var bara haldið af stað heim seinnipartinn og skriðið snemma upp í rúm eftir erfiða helgi.
Við byrjuðum svo í vettvangsnáminu á mánudaginn, þá vorum við bara í áheyrn, síðan byrjuðu þemadagar í gær (þriðjudag). Við vorum þá settar í að skoða einhverjar stærðfræðibækur á ensku og skoða verkefni í þeim og þýða, svaka fjör!!
Í dag áttum við svo að fara með 8. bekk í vettvangsferð, í Gvendarbrunna og svo í moggann, en viti menn rútan fór á undan okkur!! Svo við brunuðum á eftir henni, en fundum hana ekki og vissum ekkert hvar Gvendarbrunnar eru, svo við misstum af því en hittum svo krakkana niðrí Mogga:) Endaði allt vel að lokum.

Allt í volli!!

2003-10-16T03:21:00.000-07:00

Ég er búin að vera að reyna að setja inn mynd af mér en það gengur ekki neitt??? Og svo hvarf bara textinn sem var á hliðinni, þ.e. tenglar og eldra efni, það er horfið, veit ekki af hverju???

2003-10-14T14:09:00.000-07:00

Er að reyna að setja inn mynd

Jæja vefsíðan komin inn!

2003-10-14T13:48:00.000-07:00

Jæja nú er ég búin að setja vefsíðuna inn. Hún er þó ekki alveg fullunnin, en langt komin. Þar er skilasíða námskeiðsins Upplýsingatækni og skólastarf og þar getið þið séð þau verkefni sem ég er búin með.

Fór heim um helgina:)

2003-10-14T04:30:00.000-07:00

Það er greinilega bara eitthvað að gerast hjá mér um helgar, ég virðist alltaf bara skrifa eftir þær!
En ég fór heim til Eyja um helgina, það var mjög fínt. Mamma var búin að baka handa okkur þegar við komum á föstudeginum, svo það var nóg étið!!
Annars gerði ég nú ekki mikið annað en að slappa af og heimsækja fjölskylduna. Svo ætlum við að fara í bústað næstu helgi í Ölfusborgir, amma og afi eiga 50 ára brúðkaupsafmæli og öll fjölskyldan ætlar að fjölmenna í Ölfusborgir og fagna því:)
Núna er nóg að gera í að skipuleggja vettvangsnámið sem byrjar í næstu viku, og reyna að koma frá þeim verkefnum sem eftir eru.
Bið að heilsa í bili!

Nóg að gera um helgina!!

2003-10-05T09:44:00.000-07:00

Jæja það er búið að vera nóg að gera um helgina. Tengdó komu í heimsókn og voru hjá okkur um helgina, það var fínt:) Alltaf gaman að fá einhvern í heimsókn. Sævald bróðir var líka hjá okkur, hann var reyndar að keppa þ.a hann var nú ekki mikið heima. Svo kom Ester vinkona í bæinn til að fara á KSÍ, var gaman að hitta hana aðeins (hittumst ekki alveg eins oft núna, þegar ég er hér í RKV og hún í Eyjum!!!). Var víst svaka fjör á hófinu, en við hjónin nenntum ekki að fara (segi nú ekki að Palli hefði ekki alveg verið til í það!!), en það var bara ágætt aðvera bara heima.
Svo er maður nú búin að vera að reyna að læra eitthvað um helgina, ekki nema tvær vikur í vettvangsnám og þá þarf að vera búið að ljúka ýmsu. Ég þarf bara að setja í fluggírinn næstu tvær vikurnar.
Bið að heilsa í bili

Hvað er ég búin að vera að brasa??

2003-09-30T11:41:00.000-07:00

Annars er allt gott að frétta af mér:) ég er bara alltaf að verða "feitari og feitari" Nei!!! bumban hún stækkar ört, enda bara tveir mánuðir eftir:) Mamma, pabbi og bræður mínir kíktu í heimsókn á laugardaginn, það var voða gaman að fá þau aðeins til mín. Sævald bróðir algjör greifi og keypti sér bara bíl, Hondu Cvic, svaka flotta. Hann er reyndar ekki búin að fá bílprófið enn, á nokkra bílatíma eftir en er búin að ná bóklega prófinu, hann verður kominn á rúntinn um helgina:)
Á fimmtudaginn síðasta fór ég á afmælistónleikana hjá Sálinni og það var geggjað!! (eins og alltaf). Fyrst bauð Palli mér út að borða á Ítalíu svo að þetta var alveg fullkomið kvöld:)
Svo er KSÍ næstu helgi, ég veit nú ekki hvort ég nenni á það, en þá ætlar Ester að kíkja í bæinn (hún ætlar sko á KSÍ) og það verður gaman að hitta aðeins á hana.
bið að heilsa í bili

Vefleiðangur

2003-09-30T11:27:00.000-07:00

vefleiðangurinn sem ég gerði er um jólasveina, ég er farin að hlakka svo mikið til jólanna að mér fannst tilvalið að gera um þá. Það var mjög gaman að gera hann, ég fann fullt af skemmtilegum jólasíðum eins og t.d. jólavefur júlla, jólavefur Salvöru, jólasíða Systu og jólahúsið.

Í verkefninu áttu nemendur að kynna jólasveina og tala almennt um þá á næstu jólaskemmtun í skólanum og búa til veggspjald um efnið. Einnig sagði ég að það væri mjög gaman ef þeir myndu gera smá leikrit um jólasveina.

Tæknisaga

2003-09-30T11:17:00.000-07:00

Eins og ég sagði ykkur síðast þá er ég búina ð gera tæknisöguna og vefleiðangurinn. Hér fáið þið smá innsýn í tæknisöguna mína, en þið verðið bara að lesa hana alla síðar, þegar vefurinn minn verður kominn inn.

Þessi tæknisaga á að vera lýsing á þeirri tækni sem varðar upplýsingasamfélagið sem ég er að nota núna, bæði í heimili, starfi og daglegu lífi.
Ef ég byrja á mér þá myndi ég segja að ég væri ekki að nota tæknina eitthvað meira en “meðalmaður”. Ég er með eina heimilistölvu sem ég nota mikið í skólanum og reyndar líka í mínu daglega lífi. Ég var að fá mér ADSL tengingu í fyrsta skipti núna þegar skólinn byrjaði og finnst það vera mikill munur. Ég gæti hreinlega ekki lifað án tölvunnar núna, ég fer inn á póstinn minn daglega, fylgist með á KHí síðunni hvað er að gerast í skólanum og svo er ég t.d. löngu hætt að fara í banka, er með heimabanka á netinu og það er algjör lúksus! Einnig finnst mér það mjög gaman að geta verið í sambandi við vini mína í gegnum tölvupóst og msm, þar sem þeir búa ekki allir á sama stað og ég og við hittumst þar með ekki eins oft, en maður getur alltaf verið á sambandi án þess að þurfa að eyða stórpening í símareikninga.
ég á líka minn gsm síma (búin að endurnýja einu sinni), var að eignast mína fyrst stafrænu myndavél (reyndar gömul, en hún virkar), svo á eg mitt sjónvarp, videó og DVD þ.a. ég myndi ekki telja að ég væri nein svakaleg tæknimanneskja:)

Brjálað að gera!!

2003-09-24T11:05:00.000-07:00

Jæja það er nú orðið langt síðan að ég hef skrifað. Það er bara búið að vera svo brjálað að gera að ég hef bara ekki komist í það. Ég skrapp til Vestmannaeyja um helgina og sá síðasta leikinn hjá ÍBV á móti ÍA, ekki sá skemmtilegasti, brjálað rok og fjör!! Svo var lokahóf um kvöldið og ball með Írafár, svaka fjör:)

Fyrir utan þetta er búið að vera brjálað að gera hjá mér í verkefna vinnu. Ég klárai vefleiðangurinn og tæknisöguna í síðustu viku og um helgina. Ég gerði vefleiðangur um jólasveina sem var mjög skemmtilegt að vinna (farin að hlakka mikið til jólanna). Síðan er ég alltaf á fulla að vinna í vefnum og það fer nú að vera komin skemmtileg mynd á hann. Styttist í að ég publishi honum og þa´getið þið skoðað þessi vekefni sem ég er búin að vera að gera, (ef þið hafið áhuga á því!!)

Það er ekki heldur að það sé ekki nóg að gera í öðrum námskeiðum því það er sko alveg nóg! Þ.a að það er nóg að gera hjá mér þessa stundina
Bið að heilsa í bili!!

Samskiptakerfi/spjallkerfi

2003-09-10T06:01:00.000-07:00

Jæja nú þarf ég víst bara að gera þetta aftur, ég týndi nefnilega textanum. En þau samskiptakerfi sem ég þekki mest og nota mest sjálf er náttúrulega WebCT, sem ég hef notað mikið, sérstaklega þegar ég var í fjarnáminu. Mér finnst þetta kerfi vera mjög gott og auðvelt að nota. Mjög gott að geta tekið þátt í einhverjum umræðum við kennara og nemendur þó að maður sé ekki á staðnum.
Annað kerfi sem ég skoða mikið er spjallið á ÍBV fótboltasíðunni, þar geta menn spjallað saman og tjáð sínar skoðanir á liðinu, spáð í leiki oflr. Sambærilegt spjall er einnig á íbvsport.is, sem er heimasíða fyrir ÍBV, handbolta, fótbolta, kk og kvk oflr. gras.is og sportid.is eru báðar íþróttasíður þar sem fólk getur spjallað saman og spáð í leiki.

Kennsluverkefni í power point

2003-09-09T13:41:00.000-07:00

Jæja nú er ég búin að vera ógeðslega dugleg í dag:) Ég kláraði kennsluverkefnið í power point, Ég ákvað að gera kennsluverkefnið um eldgosið á Heimaey (er svo mikill Vestmanneyingur). Mér datt það í hug vegna þess að í vettvangsnáminu í fyrra gerðum við þema um eldgosið í eyjum fyrir 6.bekk og þau höfðu svo gaman af því að ég ákvað að setja þetta upp sem kennsluverkefni. Vonandi á það svo eftir að nýtast mér seinna.

Vefrallý

2003-09-09T07:00:00.000-07:00

Hérna er vefrallýið mitt, veit ekki alveg hvernig ég á að setja það inn, en svona er það byggt upp.

eyjar.is – heimasíða um Vestmannaeyjar
Höfundur Anna Rós Hallgrímsdóttir
Þetta vefrallý er fyrir 10-15 ára grunnskólanemendur.

Hvað veistu um Vestmannaeyjar og hversu fljót(ur) ertu að finna upplýsingar um þær? Svaraðu eftirfarandi spurningum á blað um Vestmananeyjar og athugaðu hve lengi þú ert að finna öll svör?

Vefurinn sem þú átt að skoða er eyjar.is

1.Hvenær er talið að gosvirkni í Vestmannaeyjum hafi hafist?
2.Hvað nær eldstöðvakerfið sem Vetmannaeyjar tilheyra yfir marga km²? Og hvað er vitað um margar eldstöðvar á svæðinu?
3.Hvað eru elstu hlutar Heimaeyjar kallaðir? Og hvenær eru þeira taldir hafa myndast?
4.Hvenær hófst eldgosið á Heimaey?
5.Hvernig fór fólkið frá Eyjum í gosinu?
6.Hverjir fóru frá eyjum fyrstu nótt gossins og hve margir? Hve margir urðu eftir og til hvers?
7.Hvenær var gosinu lokið?
8.Hefur gosið einhverstaðar annarstaðar í Vestmannaeyjum á síðustu 100 árum, þá hvenær?
9.Hvenær er þjóðhátíð Vestmannaeyja haldin?
10.Af hverju halda Vestmannaeyingar sína eigin þjóðhátíð?
11.Hverjir eru það sem halda þjóðhátíðina nú? Og hverjir gerðu það fyrr?
12.Hvað er lundapysja og hvenær kemur hún til Eyja?
13.Hvað er gert við lundapysjurnar?
14.Hver er talin vera þjóðaríþrótt Vestmannaeyja?
15.Hvað eru Vestmannaeyjar oft kallaðar?

Týndi blogginu

2003-09-09T06:46:00.000-07:00

Ég var búin að skrifa helling um samskiptaleiðir á netinu en ýtti svo á settings, þá var ég spurð hvort ég vildi savea það sem ég var búin að skrifa og ég sagði auðvitað já! En þegar ég fór aftur yfir í posts þá var ekkert og nú get ég ekki fundið þetta aftur:( Ef einhver kann að finna þetta vijið þá endilega láta mig vita.
Takk!!!
annahal@khi.is

netleikir

2003-09-08T10:10:00.000-07:00

Þegar ég fór að pæla í netleikjum þá vissi ég raunar ekki í fyrstu hvar ég ætti að leita af þeim. Ég fór á leit .is og skráði inn netleiki þá fann ég einn leikjavef sem er með fullt af leikjum. Þar er t.d. gamli góði pakman og blackjack og svo ýmsir bílaleikir sem eru alltaf skemmtilegir. Það var samt eitthvað vandamál að komast í leikina, ég komst allvega ekki í í þá en þið getið reynt. Önnur síða sem ég fann heitir betra net, þar var að finna marga skemmtilega leiki t.d STJÖRNUSPEKIN, þar getið þið sett inn fæðingardaga þeirra sem þið eruð forvitin um... eða ástfangin af og fengið niðurstöðuna. Í henni kemur fram hvaða stein viðkomandi hefur og hver merking hans er ásamt fleiri upplýsingum um merki hans. Annað spennandi var KÍNVERSKA TUNGLALMANNAKIÐ, þar getið þið sett inn ártal ykkar eða þeirra sem þið viljið skoða. Í niðurstöðunum kemur fram persónuleikalýsing á viðkomandi og fyrir hvaða dýrategund hann eða hún stendur og ELEMENT viðkomandi í kínverska almannakinu. Með því síðan að smella á mynd af viðkomandi ELEMENTI færðu upp enn nánari lýsisngu á kostum og göllum þess sem skoðaður er. Þetta er alls ólíkt okkar almannaki og gaman að stúdera. - Góða Skemmtun.
Einnig er einhverja námsleiki fyrir krakka að finna inn á námsgagnastofnun, t.d Gullkistan, þar er að finna ýmsa skemmtilega leiki og verkefni fyrir krakka.

vefir fyrir kennara

2003-09-08T10:01:00.000-07:00

Ég kíkti aðein inn á netið til að finna einhverja vefi fyrir kennara, sá skemmtilegasti sem ég fann var án efa kennari.is þar er mikið af skemmtilegu efni og verkefni sem kennarar geta notað við kennslu. Einnig skoðaði ég vefinn sem Salvör benti á utn.is, sem er um upplýsingatækni og með mikið af sniðugu efni fyrir kennara að tileinka sér og nánast allt sem þú getur notað við kennlu á upplýsingatækni. Þar getur þú lært um vefsíðugerð, framsetningu á efni t.d. í excel og einnig marga aðra möguleika internetsins.
Ég skoðaði einnig menntagátt.is en ég var ekki eins hrifin af honum og hinum þ.a. mér finnst ekki tilefni til að tala um hann, en þið getið kíkt á hann ef þið viljið.

Aðeins um mig

2003-09-03T07:51:00.000-07:00

Ég byrjaði bara að babla um fyrsta tímann en sagði ekkert frá mér!
Ég heiti Anna Rós Hallgrímsdóttir og er fædd og uppalin í Vestmannaeyjum. Ég er 22 ára og er í sambúð með fótboltakappanum Páli Hjarðar, hann spilar með ÍBV (hefur reyndar ekkert spilað í sumar, sleit krossbönd í hnénu í vor:( ).
Eins og ég sagði áðan eigum við von á okkar fyrsta barni um mánaðarmótin nóv./des. Og hlökkum mikið til þess:)
Ég er á 3. ári í Kennó og er með stærðfræði og upplýsingatækni sem kjörsvið, ég byrjaði í staðbundnu námi á fyrsta ári en tók svo 2. árið í fjarnámi þar sem við fluttum aftur til Eyja. En núna fluttum við aftur til Rkv (alltaf á flakki!) og fjárfestum í íbúð í Árbænum. Ég ákvað þá að fara aftur í staðbundna námið, þessa önn og Palli skellti sér í stjórnmálafræði í Háskólanum. Þannig að það má segja að það sé nóg að gera hjá okkur!

Fyrsti tíminn!!

2003-09-03T07:39:00.000-07:00

Jæja þá er það fyrsti tíminn í Upplýsingatækni og skólastarf. Salvör byrjaði á því að fara yfir það hvernig áfanginn verður í vetur og síðan kenndi hún okkur að búa til blogg. Hún var búin að búa til fyrir mig því að ég var skráð í fjarnám en hætti svo við það og fór í staðbundna námið.
Mér líst bara vel á þennan áfanga en það verður nóg að gera, nóg af verkefnum að vinna, sérstaklega strembið fyrir mig því ég þarf að vera "mega" dugleg og klára öll verkefnin fyrir miðjan okt., þá fer ég nefnilega í vettvangsnám til 21. nóv. Málið er að ég er ófrísk og á að eiga í enda nóv. og þá nenni ég ekki að eiga einhver verkefni eftir!
Svo að það þýðir ekkert annað en að byrja að krafti!!!

2003-08-14T23:05:00.000-07:00

prófa meira..